20 сен 08:13
Новости

Спортивная борьба

Спорт курашлари. Бугун Жаҳон чемпионатида 4 нафар курашчимизга мухлислик қиламиз!

Хабарингиз бор, айни кунларда Сербия пойтахти Белград шаҳрида спорт курашлари бўйича катталар ўртасидаги жаҳон чемпионати бўлиб ўтмоқда.

Мусобақанинг бугунги куни доирасида аёллар кураши баҳсларида Ўзбекистон терма жамоасининг 3 нафар аъзоси баҳсларга киришади. Бугунги беллашувларда Актенге Кеунимжаева, Ариухан Жумабаева ва Фируза Эсенбаева жаҳон чемпионати медаллари ҳамда Париж-2024 Олимпиадаси йўлланмалари учун гиламга чиқади.

Курашчи-қизларимизнинг илк рақибалари:

53 кг, квалификация раунди. Актенге Кеунимжаева - Мария Преволораки (Греция)

62 кг, 1/16 финал босқичи. Ариухан Жумабаева - Сакура Мотоки (Япония)

68 кг, 1/16 финал босқичи. Фируза Эсенбаева - Николь Даянна Паррадо (Эквадор)

Бундан ташқари, 57 кг вазн тоифасидаги ҳамюртимиз Лайлохон Собирова ўтиш босқичида болгариялик Евелина Георгиева билан тўқнаш келади.