20 сен 07:22
Новости
Спортивная борьба
Спорт вазирлиги курашчиларимизнинг Жаҳон чемпионатига бориши учун пул ажратмади!
Хабар берганимиздек, Ўзбекистон спорт курашлари ассосиацияси U-23 Жаҳон чемпионатини ҳам ўтказиб юборади.
Мусобақа 21-27 октябрь кунлари Албания пойтахти Тирана шаҳрида ташкил этилади.
Olamsport.com куни кеча U-23 Жаҳон чемпионатида Алишер Ғаниев, Аброр Атабаев, Дониёрхон Накибов каби курашчиларимиз Албаниядаги жаҳон биринчилигига ўз ҳисобидан бориши ҳақида хабар берган эди.
Бизга маълум бўлишича, вазият ҳақиқатан ҳам шундай бўлиб чиқди. Спорт вазирлигининг ассосиация учун айнан ушбу мусобақага пул ажратмагани туфайли маблағ топа олган спорт курашчиларимиз U-23 Жаҳон чемпионатида ўз ҳисобидан қатнашишга мажбур.
Ёдингизда бўлса, Ўзбекистон спорт курашлари ассосиацияси яқиндагина Иорданиянинг Амман шаҳрида бўлиб ўтган U-20 Жаҳон чемпионатига ҳам бирор бир курашчини юбормаган эди.
Ссылка :
Источник : olamsport.com
Комментарии