05 июн 11:11
Новости

Мероприятия

Спорт вазирлигида антидопинг масалаларига бағишланган тадбир ўтказилди

Теги : ADAMS

Спорт федерация ва ассоциацияларида фаолият олиб бораётган ходимларни антидопинг соҳасидаги билимларини мустаҳкамлаш мақсадида Спорт вазирлигида семинар ташкил этилди.

“Антидопинг маъмуриятчилиги ва бошқарув тизими (ADAMS) ҳамда натижаларни бошқариш жараёни – долзарб муаммолар ва ечимлар” мавзусидаги семинарда Спорт вазири Адҳам Икрамов, вазир ўринбосари Шахрилло Махмудов, Миллий Олимпия қўмитаси раисининг биринчи ўринбосари Отабек Умаров, Миллий Олимпия қўмитаси раисининг ўринбосари Шерзод Тошматов, Миллий Олимпия қўмитаси бош котиби Ойбек Касимов Ўзбекистон Миллий антидопинг агентлиги директори Абдушукур Садиков, федерация ва ассоциацияларда фаолият олиб бораётган мураббийлар, спорт шифокорлари ва масъул шахслар иштирок этди.

Семинар давомида Ўзбекистон Миллий антидопинг агентлиги мутахассислари томонидан ADAMS тизимидан фойдаланишдаги кўп учрайдиган қоидабузарликлар ва уларнинг оқибатлари, натижаларни бошқариш жараёнида спортчи ва унинг вакилларининг ҳуқуқ ва мажбуриятлари, терапевтик истиснолар: мезон ва камчиликлар ва уларнинг ечими мавзуларида маърузалар қилинди.

Шу билан бирга федерация ва ассоциациялар вакиллари ўзларини қизиқтирган саволларга батафсил жавоб олишди.