07 мая 14:14
Новости

Стэнли Кубоги. "Вашингтон" 1/4 финалнинг илк ўйинида ютқазди

Нуфузли ҳисобланган тарихий Стэнли Кубогида 1/4 финал босқичининг илк учрашувлари старт олди.

"Вашингтон Кэпиталз" жамоаси плей-оффнинг ушбу босқичида "Каролина Харрикейнз" клубига қарши музга чиқмоқда. Пойтахт Вашингтондаги "Кэпитал Уан-Арена" стадионида ўтган жамоаларнинг илк ўйин меҳмонларнинг иродали ғалабаси билан якунланди - 2:1.

"Вашингтон" етакчиси Александр Овечкин бу сафар музни голсиз тарк этди. Гарчи мезбонлар Протаснинг шайбаси эвазига ҳисобда олдинга чиқиб олган бўлсалар-да, якунда ғалабани сақлаб қола билишмади. Аввалига учинчи бўлимда Стэнковен томонидан мувозанат тикланди. Овертаймда эса Славин меҳмонларга ғалаба келтирган шайба муаллифига айланди.

Жамоалар ўртасидаги иккинчи учрашув 9 май куни Вашингтонда бўлиб ўтади.