01 июн 16:23
Новости

Теннис

Султонов 1/2 финалда ўзидан деярли 200 поғона қуйидаги рақибга ютқазди

Сербиянинг Куршумлия-Баня шаҳрида ўтказилаётган теннис бўйича М15 тоифасига кирувчи турнир ўз якуни сари яқинлашмоқда.

Мукофот жамғармаси 15 000 долларни ташкил этувчи ушбу мусобақада ҳамюртимиз Ҳумоюн Султонов ҳам иштирок этяпти. Турнирда биринчи рақам остида таснифланган теннисчимиз финал остонасида юришини тўхтатди.

Дунёнинг 328-ракеткаси бўлиб турган ҳамюртимиз финал чиптаси учун кечган баҳсда болгариялик Янаки Милевга 5/7, 5/7 ҳисобида имкониятни бой бериб қўйди. Милев ATP рейтингида 536-поғонани банд этган. Бироздан сўнг Султонов ушбу турнирнинг жуфтликлар баҳсида бош соврин учун кортга чиқади.