20 июн 10:16
Новости

Теннис

Султонов Бельгиядаги турнирда муваффақиятли старт олди

Бельгиянинг Дюффель шаҳрида теннис бўйича M25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу турнирда Ҳумоюн Султонов ҳам ўз маҳоратини намойиш қиляпти. Ҳамюртимиз турнирда иккинчи рақам остида таснифланган бўлиб, ўз иштирокини бироз қийин бўлган ғалаба билан бошлаб олди.

Мамлакатимизнинг биринчи ракеткаси илк даврада бельгиялик Килиан Коллинонни 6/4, 4/6, 6/4 ҳисобларида мағлубиятга учратди. Мезбонлар вакили ATP рейтингида 1339-поғонада бораётганига қарамай, теннисчимизга муносиб қаршилик кўрсатди. Султонов дунёнинг 331-ракеткаси бўлиб турибди.

Энди Ҳумоюн Султонов турнирнинг 1/8 финалида яна бир бельгиялик теннисчи Харольд Хуэнсга қарши кортга чиқади. Бу учрашуви бугун бизнинг вақт билан соат 13:00да бошланади. Харольд ATP рейтингида 1908-поғонада бормоқда.