06 июл 10:23
Новости

Теннис

Султонов Италиядаги турнирда муваффақиятли старт олди

Италиянинг ди Модена провинцияси Касиналбо шаҳрида теннис бўйича ITF M25 турнири давом этмоқда.

Мусобақа ҳамюртимиз Ҳумоюн Султонов ҳам ўз маҳоратини намойиш этяпти. Турнирда учинчи рақам остида таснифланган Султонов 73 дақиқа давом этган илк давра учрашувида испаниялик Белло Кабрерани 6/2, 6/0 ҳисобида доғда қолдирди.

Таққослаш учун, Султонов ATP рейтингида 397, Кабрера эса 1276-ўринни эгаллаб турибди. Бугун Ҳумоюн 1/8 финал баҳсида Николас Парицциага қарши кортга чиқади. Швейцариялик бу теннисчи рейтингнинг 1122-поғонасидан жой олган. Учрашув бизнинг вақт билан соат 16:30да бошланади.