15 фев 09:07
Новости

Теннис

Султонов Португалиядаги турнирда муваффақиятли старт олди

Португалиянинг Вила-Реал-ди-Санту-Антониу шаҳрида теннис бўйича M25 тоифасига кирувчи ITF турнири бўлиб ўтмоқда.

Мукофот жамғармаси 25 000 АҚШ долларини ташкил қилувчи ушбу мусобақада мамлакатимизнинг биринчи ракеткаси Ҳумоюн Султонов ҳам иштирок этяпти. Ҳамюртимиз илк даврада колумбиялик Алехандро Родригесга қарши кортга чиқиб, 7/5, 6/2 ҳисобида ғалаба қозонди.

Таққослаш учун, Султонов ATP рейтингида 354, Родригес эса 660-поғонадан жой олган. Бу теннисчиларнинг ўзаро ўтказган илк учрашуви бўлди. Турнирда тўртинчи рақам остида таснифланган Ҳумоюннинг 1/8 финалдаги рақиби бугун аниқланади.