14 июл 14:20
Новости

Тхэквондо

Таэквондо WT. Омонжон Отажонов ва Мадина Мирабзалова "Мужу Гран-При Челленжи"да иштирок этади!

15-17 июль кунлари Корея Республикасининг Мужу шаҳрида "Muju Grand-Prix Challenge 2023" халқаро мусобақаси бўлиб ўтади.

Мусобақада 18 та мамлакатдан ташриф буюрган 100 га яқин эркаклар ва аёллар тўрттадан вазнда ғолиблик учун курашади. G1 тоифасида ўтказиладиган ушбу турнирда Ўзбекистон терма жамоасининг икки вакили — Омонжон Отажонов (-58 кг) ҳамда Мадина Мирабзалова (-57 кг) иштирок этади. Мусобақада ғолибликни қўлга киритган спортчилар ҳамда иккинчи ўрин эгалари рейтинг очколаридан ташқари Тайван Гран-Присига тўғридан-тўғри йўлланмага эга чиқишади.

Эслатиб ўтамиз, жаҳон чемпионати совриндори бўлмиш Омонжон Отажонов яқинда Анқарада бўлиб ўтган "Туркиш Опен" мусобақасида бронза медалини қўлга киритган эди.