21 июл 20:00
Новости

Тхэквондо

Таэквондочи Нажмиддин Қосимхожиев делегациямиз ҳисобига навбатдаги Универсиада медалини келтирди

Эссен шаҳри мезбонлигидаги Бутунжаҳон ёзги Универсиада ўйинлари таэквондочиларимиз учун омадли давом этмоқда.

Терма жамоамизнинг 74 кг вазн тоифасидаги талаба таэквондочиси Нажмиддин Қосимхожиев нуфузли комплекс турнирнинг бронза медалига сазовор бўлди.

Ҳамюртимиз ярим финал босқичида бразилиялик рақиби Винисиус Ассисга имкониятни бой берганига қарамай, Ўзбекистон делегациясига навбатдаги медални тақдим этди.

Қосимхожиевнинг ушбу натижаси орқали Ўзбекистон таэквондо термасининг мусобақа доирасидаги медаллари сони 3 тага етди. Аввалроқ, Мадина Мирабзалова ҳамда Шамсиддин Қурбонов ҳам учинчи натижани қайд этганди.

Маълумот учун, 20 яшар Нажмиддин Ченгду-2021 Универсиадасида ҳам бронза медалини қўлга киритган.