24 окт 18:55
Новости
Тхэквондо
Таэквондочиларимизнинг Жаҳон чемпионати илк кунидаги натижалари қандай бўлди?
Бугун Хитойнинг Уси шаҳрида таэквондо WT бўйича катталар ўртасидаги Жаҳон чемпионати старт олди.
Мусобақанинг дастлабки кунида эркаклар энг оғир — +87 кг, аёллар эса -57 кг вазн тоифаларида баҳс олиб боришди.
Кун давомида Ўзбекистон терма жамоаси аъзолари Марат Мавлонов ҳамда Мадина Мирабзалова беллашувларда иштирок этди.
Мавлонов мусобақа доирасида учта жанг ўтказиб, иккитасида ғалаба қозонди. У чорак финал босқичида британиялик тажрибали Каден Куннингемга аламли тарзда мағлуб бўлди.
Мадина Мирабзалова эса дастлабки иккита босқичдаги ғалабасидан кейин нимчорак финал босқичида иорданиялик Фадия Хирфанга имкониятни бой берди. Қизиғи, якунда вакилларимиздан устун келган ҳар икки таэквондочи ЖЧ бронза медалига сазовор бўлди.
Ссылка :
Источник : t.me/uzbtaekwondowt
Комментарии