11 сен 09:17
Новости
Бокс/ММА
Таниқли рус боксчиси: "Аҳмадалиев Иноуэнинг камчиликларидан фойдаланиб кетиши мумкин"
Россиялик таниқли боксчи Дмитрий Кудряшов ҳамюртимиз Муроджон Аҳмадалиев ва Япония вакили Наоя Иноуэ ўртасидаги бўлажак жанг ҳақида гапирди.
"Гарчи менга Иноуэ ёқса ҳам, яқинда Аҳмадалиевда катта имконият борлигини айтгандим. Иноуэ вақти-вақти билан нокдаун ҳолатига тушиб туради. Аҳмадалиев жуда яхши тайёргарликка эга ва яхши зарба бера олади. Мен Муроджоннинг нокаут орқали ғалабасини истисно қилмайман. Иноуэда камчиликлар етарли, у биз ўйлагандек, мукаммал эмас. Аҳмадалиев бундан жуда яхши фойдалана олиши мумкин. Иноуэнинг жамоасига Ахмадалиев билан жангни танлагани учун катта ҳурмат билдиришим мумкин. Менимча, уйдаги деворлар унчалик ҳам ёрдам бермайди. Вазнига қарамай, Иноуэ даҳшатли нокаутчи. Агар у яхши формада бўлса, жангдан ҳеч нарса чалғитмаса, Аҳмадалиевга ҳам қийин бўлади", деди Кудряшов.
Узоқ кутилган жанг 14 сентябрь куни Нагоя шаҳри (Япония)да ўтказилади.
Ссылка :
Источник : mma.metaratings.ru
Комментарии