10 мар 20:41
Новости

Бокс/ММА

Татаристонлик "Гладиатор" жанг шартномасига имзо чекди

Россиялик яримўрта вазн (77 кг) тоифаси вакили Ринат Фахретдинов навбатдаги жанги ҳақидаги хабар билан бўлишди.

UFC жангчиси яқинда Тошкент ва Самарқанд шаҳарларида меҳмон бўлиб, ҳамюртимиз Нурсултон Рўзибоев билан учрашган эди.

"Ёзда қайтаман. Куни кеча менга жанг таклиф қилишди, бугун эса шартномага имзо чекдим. Ҳозирча жанг санаси ва рақибнинг исм-шарифини ошкор қила олмайман. Айтишим мумкин, рақиб шундоққина ёнимда. Мен билан деярли бир жойдан нафас олади", — деди Фахретдинов.

Эслатиб ўтамиз, Ринат ўтган йилнинг ноябрь ойида ўтказилган UFC Fight Night 231 турнирида бразилиялик Элизеу Залески дос Сантосга қарши октагонга кўтарилганди. Уч раунд тўлиқ давом этган бироз кутилмаганда дуранг натижа билан якунланган эди.

UFC лигасидаги ягона татар миллатига мансуб Фахретдиновда 23 ғалаба, 1 мағлубият ва 1 дуранг бор.