22 сен 14:25
Новости

Бокс/ММА

Тайсон Фьори Дюбуанинг ғалабасига муносабат билдирди

Супероғир вазнда собиқ WBC чемпиони Тайсон Фьюри ватандошлари ўртасида бўлиб ўтган чемпионлик жанги ҳақида гапирди.

Лондондаги "Уэмбли" стадионида бўлиб ўтган жангда вақтинчалик IBF чемпионлик камари соҳиби бўлиб турган Даниэль Дюбуа IBF, WBA, WBO ва IBO йўналишларида собиқ чемпион Энтони Жошуани бешинчи раундда нокаутга учратган эди.

"Фантастика! Дюбуа ажойиб натижа қайд этди. У тоза, ҳеч қандай эътирозга ўрин қолдирмаган ҳолда ғалаба қозонди. Ҳеч ким уни жангда фаворит ҳисобламаётган эди. У бу ерга чемпион сифатида келганди. Уни бекорчи деб ўйлашарди. Даниэль исботлади. Дюбуа ҳалол ғалабани қўлга киритди", — дея Фьюрининг сўзларини келтиради Queensberry Promotions.