Тайсон Фьюри қайтиши ҳақидаги хабарларга муносабат билдирди

"Мен "Лўлилар қироли" боксга қайтаяпти деган гапларни жуда кўп эшитдим. Нима учун мен қайтишим керак? Яна камар қўлга киритиш учунми? Мен 22 та камарни ютганман. Мен бахтлиман ва эришганларимдан мамнунман. Бутун дунёни айландим.

Мен жангларда кўп талофат кўрмадим. Яна зарбалар еб, қайта жанг қилишга ҳеч шошилмаяпман. Нима учун? Ҳа, мен нафақадаман ва шунда қоламан. Кимгадир ниманидир исботлашим керак эмас. Қайтишдан ҳеч қандай маъно йўқ", — деди у.

Эслатиб ўтамиз, Фьюри шу йил бошида фаолиятини тугатганини эълон қилганди. Аммо кейинчалик унинг Энтони Жошуага қарши жанг ҳақида музокара олиб бораётгани ҳақида хабарлар тарқалганди.