11 июн 11:06
Новости
The Ultimate Fighter 33. Фурқатбек Ёқубовнинг вазнида иккинчи ярим финал иштирокчиси аниқланди
Бу сафар ўта енгил вазн тоифасидаги жанг ташкил этилди. Унда Даниэль Кормьенинг жамоасидаги мексикалик Иманол Родригес (5-0) Чейл Соннен ва Фурқатбек Ёқубовнинг жамоадоши, ҳиндистонлик Аршиян Мемонни биринчи раунддаёқ таслим этди. Шундай қилиб, Иманол ўта енгил вазн тоифасидаги иккинчи ярим финалчига айланди. Аввалроқ, Сонненнинг жамоасидан Моралес ярим финалга йўл олганди.
Шоунинг кейинги сонида ярим ўрта вазн тоифасида Кормьенинг жамоасидан америкалик Жефф Крейтон (11-2-1) Сонненнинг ирландиялик спортчиси Андреас Биндер (10-2) билан баҳс олиб боради. Бу вазндаги илк ярим финалчи Кормье клубидан украиналик Даниил Донченко бўлганди.
Ушбу шоудаги ҳамюртимиз Фурқатбек Ёқубовнинг илк рақиби 18 июнь куни эфир юзини кўрадиган тўртинчи сонда эълон қилиниши мумкин. Унга ярим финал йўлида қозоғистонлик Алиби Идрис ёки ЖАР вакили Тумело Маньямала рақиб бўлиши мумкин.
Комментарии