28 сен 16:41
Новости

Паралимпия

Толиббой Йўлдошев шахсий рекордини янгилаб, Жаҳон чемпионатида совриндор бўлди!

Теги : Пара енгил атлетика Толиббой Йўлдашев

Ҳиндистоннинг Нью-Дели шаҳрида бошланган пара енгил атлетика бўйича Жаҳон чемпионатининг дастлабки кунида Ўзбекистон терма жамоаси 2 та кумуш ва 1 та бронза медалига эга чиқди.

Эркаклар ўртасида F37 тоифасида ўтказилган ядро улоқтириш баҳслари биз учун муваффақиятли ўтди. Унда иштирок этган Париж-2024 Паралимпия ўйинлари ғолиб ва совриндори Толиббой Йўлдошев 15.86 м натижа билан Жахон чемпионати бронза медалига эга чиқди. Қайд этиш жоиз, бу Йўлдошев карьерасидаги ҳозирга қадар бўлган энг юқори кўрсаткич ҳисобланади.

Жаҳон чемпионати

Эркаклар ўртасида ядро улоқтириш дастури (Ф37)

1. Алберт Хинчагов (Нейтрал мақомдаги спортчи) - 16.55 (ЖЧ рекорди)

2. Александр Белобоков (Нейтрал мақомдаги спортчи) - 16.16

3. Толиббой Йўлдошев (Ўзбекистон) - 15.86

Шу тариқа, 22 яшар Толиббой ўз фаолиятида иккинчи бор дунё биринчилиги шоҳсупасига кўтарилди. У 2023 йил Париж мезбонлигидаги ЖЧда ҳам бронза медалига сазовор бўлганди.