10 дек 15:09
Новости
Бокс/ММА
Тўлқин Қиличев: "Ҳакамлар баъзида бизга қарши ишлашди"
Бокс бўйича терма жамоамиз бош мураббийи Тўлқин Қиличев боксчиларимизнинг Осиё чемпионатидаги иштироки ҳақидаги саволга жавоб берди.
"Менимча ёмон иштирок этмадик. Бу мен терма жамоани бош мураббийи сифатида олиб келган илк мусобақа бўлди. Биз турнирга одатдаги тартибда тайёргарлик кўрдик. Тўғри, бироз ўзгартиришлар киритдик. 2014 йилдан бери бу терма жамоада ишлаганим учун бош мураббий бўлиб ишлаш қийинчилик туғдирмади. Умумий олганда, терма жамоа яхши иштирок этди.
Натижани кўрдингизми? Агар биз биринчи эканмиз, демак ҳаммаси яхши. Асосий рақибимиз — Қозоғистон! Сўнгги уч-тўртта Осиё чемпионатида биз улардан тепада бўляпмиз. Турнирда бешта олтин медалга эга бўлдик. Кўпроқ ҳам бўлиши мумкин эди. Баъзида ҳакамлар биз томонда, баъзида бизга қарши ишлашди. Умуман олганда натижадан қониқдим", - дея фикр билдирган терма жамоамиз бош мураббийи.
Ссылка :
Источник : sports.kz
Комментарии