30 июн 09:14
Новости

Бокс/ММА

Топурия янги вазндаги илк чемпионлик ҳимоя жангини қачон ўтказишини айтди

Испания ва Грузия байроқлари билан октагонга чиқаётган 28 ёшли аралаш яккакураш устаси кеча енгил вазнда UFC камарини қўлга киритган эди.

Илия Топурия ўз интервьюсида 2025 йил ҳисобидан яна битта жанг ўтказиш истагида эканини маълум қилди.

"Мен йил охиригача чемпионлик ҳимоя жангига тайёр бўламан. Агар UFC буни хоҳласа, мен қарши эмасман", — дея Топуриянинг сўзларини келтиради MMA Mania портали.

Эслатиб ўтамиз, кеча Матадор Лас-Вегасда ўтган UFC 317 турнирининг асосий жангида бразилиялик 35 ёшли собиқ чемпион Чарльз Оливейрани биринчи раунднинг ўзида чуқур нокаутга учратиб, енгил вазннинг янги UFC чемпионига айланганди.