07 ноя 10:50
Новости

Шахматы

Тўрт шахматчимизнинг бари Жаҳон кубогининг учинчи босқичига чиқди

Ҳиндистоннинг Гоа шаҳрида шахмат бўйича умумий мукофот жамғармаси 2 миллион АҚШ долларини ташкил қилувчи Жаҳон кубоги бўлиб ўтмоқда.

Дунёнинг 206 нафар шахматчиси қатнашаётган нуфузли мусобақанинг 1/64 финал босқичида тай-брек баҳслари ўтказилди. Тўрт гроссмейстеримиздан икки нафари - Жавоҳир Синдаров ва Нодирбек Якуббоев икки ўйин натижасига кўра ғалаба қозониб, учинчи босқичга йўл олишганди.

Қолган икки шахматчимиз - Нодирбек Абдусатторов ва Шамсиддин Воҳидов рақиблари билан ҳал қилувчи тай-брекда ўйнашди. Абдусатторов қозоғистонлик Денис Махневни 2,5:1,5, Воҳидов испаниялик гроссмейстер Максим Чигаевни 3:1 ҳисобида мағлубиятга учратди.

Гроссмейстерларимизнинг учинчи босқичидаги рақиблари:

Нодирбек Абдусатторов - Хосе Мартинес Алькантара (Мексика)

Жавоҳир Синдаров - Николас Теодору (Греция)

Нодирбек Якуббоев - Тай Ван Нгуен (Вьетнам)

Шамсиддин Воҳидов - Аржун Эргаиси (Ҳиндистон)

Номзодлар турнири йўлланмаси учун кечаётган Жаҳон кубогининг бугунги учинчи босқич илк учрашувлари бизнинг вақт билан соат 14:30да бошланади. Шамисиддин Воҳидовни жиддий синов кутиб турибди. У ҳиндистонлик Аржун Эргаисига қарши дона суради.