17 окт 10:32
Новости
Теннис
"Тошкент Челленжер" турнирининг сўнгги ғолиби Флоренцияни забт этди
Италиянинг Флоренция шаҳрида ўтказилган ATP турнири Феликс Оженинг ғалабаси билан ниҳоясига етди.
Дунёнинг 13-ракеткаси бўлиб турган канадалик финал учрашувида ATP рейтингида 75-поғонадан жой олган америкалик Жефф Вольфдан 6/4, 6/4 ҳисобида устун келди. Бу теннисчиларнинг ўзаро ўтказган илк учрашуви эди.
Давомийлиги 103 дақиқа бўлган баҳсда Оже 11 та эйс, 1 та қўшхато, 3 та брейкни қайд этди. Оже Италиядаги муваффақиятли иштирокидан 250 рейтинг очкоси ва 93,090 евро мукофот пули ишлаб олди. Бу канадаликнинг фаолиятидаги иккинчи соврини бўлди.
Эслатиб ўтамиз, Феликс Оже 2018 йил ўтказилган сўнгги "Тошкент Челленжер" турнирида бош совринни қўлга киритган эди.
Ссылка :
Источник : gotennis
Комментарии