04 мар 18:40
Новости

Дзюдо

Тошкент "Катта Дубулға". Иккинчи кунда ўзбек дзюдочиларидан 1 та олтин ва 2 та бронза

Дзюдо бўйича Тошкент “Катта Дубулға” турнирининг иккинчи кунида ўзбекистонлик дзюдочилар учта медалга эга чиқишди.

-73 кг вазн тоифасида финалда Муроджон Йўлдошев қозоғистонлик Дониёр Шамшаевга қарши курашди ва ғалаба қозониб, олтин медални қўлга киритди!

Аёллар ўртасида -70 кг вазн тоифасида Гулноза Матниязова сўнгги сонияларда украиналик Наталя Чистяковадан устун келди ва бронза медали соҳибасига айланди.

-81 кг вазн тоифасида бронза медали учун икки ҳамюртимиз тўқнаш келди. Унда Мусо Собиров Шарофиддин Болтабоевни иппон баҳоси эвазига мағлуб этди.

Шу тариқа, Тошкент "Катта Дубулға" турнирининг иккинчи кунида Ўзбекистон терма жамоаси 1 та олтин ва 2 та бронза медалини қўлга киритди. Кеча ҳамюртларимиз 1 та кумуш ва 2 та бронза медалига эга чиқишганди.