03 сен 07:54
Новости
Теннис
Тошкентда M15 "Фьючерс" турнири якунланди
"Юнусобод" спорт мажмуаси теннис кортларида бир ҳафта давом этган ITF туркумидаги "GRAND PALACE CUP M15" халқаро мусобақаси ўз ниҳоясига етди.
Мукофот жамғармаси 15 000 долларни ташкил этувчи турнирнинг яккалик дастурида нейтрал мақомдаги спортчи Эрик Арутунян ғолиб бўлди. Чехиялик Доминик Палан эса турнир вице-чемпионига айланди.
Жуфтлик дастуридаги ғолиблик эса япониялик теннисчилар — Юичиро Нуи ҳамда Тайё Яманакага насиб этди. Ҳиндистонлик Адил Калянпур ва Вишну Вардхан тандеми эса мусобақанинг жуфтлик баҳсларида иккинчи ўринни эгаллашди.
"GRAND PALACE CUP M15" турнирининг яккалик дастуридаги асосий тўр беллашувларида икки нафар ҳамюртимиз — Максим Шин ва Амир Милушев иштирок этди. Шин илк босқичда турнир билан хайрлашган бўлса, Милушев нимчорак финалда рақибига имкониятни бой бериб қўйди.
Ссылка :
Источник : olamsport.com
Комментарии