13 янв 19:45
Новости

Дзюдо

Тошкентда Ўзбекистон ва Қозоғистон дзюдочиларининг қўшма машғулоти давом этмоқда

Шу кунларда Ўзбекистон дзюдо федерацияси қошидаги дзюдо зали икки мамлакат терма жамоаси аъзолари билан гавжум.

Хабарингиз бор, терма жамоамизнинг асосий таркиби бир неча кундирки, Австриянинг Миттерзил шаҳрида мавсумнинг илк мусобақасига тайёргарлик кўрмоқда. Терма жамоага номзод қолган дзюдочиларимиз эса машғулотларни Тошкентда олиб боришяпти.

Эътиборлиси, бизнинг дзюдочилар билан бирга Қозоғистон терма жамоаси спортчилари ҳам машғулот ўтказишяпти. Ушбу халқаро қўшма ўқув-машғулот йиғини икки давлат терма жамоалари учун 2025 йилнинг биринчи чорагидан ўрин олган мусобақаларга тайёргарлик босқич вазифасини ўтаб бермоқда.