07 сен 18:21
Новости

Тухелни бўшатиш "Челси"га 15 млн фунтга тушди

Лондоннинг "Челси" клуби кутилмаганда бош мураббий Томас Тухелни ўз вазифасидан озод этди.

Манбага кўра, Тухелга қўшиб унинг мураббийлар штаби ҳам ишдан бўшатилади. Тухель Премьер-лигадаги энг катта маош тўланувчи мутахассислардан бири бўлгани учун у жами 13 млн фунт миқдоридаги товон пулини олади. Унинг штабига тўлаб бериладиган 2 млн билан қўшиб ҳисобланса, "Челси"даги бўшатишлар жамоанинг америкалик эгаларига 15 млн фунтга тушди.

"Кўклар" "Максимир" стадионида Загребнинг "Динамо"сига кичик ҳисобда (0:1) мағлуб бўлган учрашувда клуб эгалари Тодд Боэли ва Беҳдад Эғбали учрашувни бевосита стадиондан томоша қилган. Улар клуб бошқарувини қўлга олганидан буён орадан деярли 100 кун ўтган бўлса-да, жамоадаги муҳит ёмонлигича қолаётгани айтилганди.