02 мар 14:27
Новости

U-18 термамиз ЖЧнинг иккинчи баҳсида Люксембургни тор-мор этди ва гуруҳ пешқадамига айланиб олди. Навбатдаги рақиб — Туркманистон

Теги : Ёшлар ўртасидаги ЖЧ Ўзбекистон U-18

Кеча Бангкок шаҳрида давом этаётган хоккей бўйича U-18 Жаҳон чемпионатининг III дивизиони Б гуруҳидан ўрин олган навбатдаги беллашувлар ўтказилди.

Кун давомида Ўзбекистон U-18 терма жамоаси Люксембург ёшларига қарши баҳс олиб борди ва якунда 12:1 ҳисобида ғалаба қозонди.

Бу Ўзбекистон ёшлар терма жамоасининг мусобақа доирасидаги иккинчи учрашувда қўлга киритган иккинчи ғалабасига айланди. Аввалроқ, хоккейчиларимиз Жанубий Африка ёшларини 12:0 ҳисобида доғда қолдиришган эди.

Кейинги ўйинимиз эртага 14:30 да Туркманистонга қарши бўлиб ўтади.

III дивизион, B гуруҳи (2- тур)

Таиланд, Бангкок.

Ўзбекистон - Люксембург 12:1 (7:1, 2:0, 3:0)

Голлар: Дадахўжаев, Равшанов, Рустамхонов, Абдувосиқов, Рустамхонов, Хамзин, Тофт (Люксембург), Хамзин, Мирзабоев, Рустамхонов, Дадахўжаев, Тожибоев, Рустамхонов.

Аҳамиятлиси, мазкур беллашувдан кейин ёшларимиз Б гуруҳи пешқадамига айланиб олди. Термамиз Таиланд билан қўшҳокимликда тўплар нисбатига кўра яхшироқ бўлиб турибди. Жасурбек Рустамхонов эса 11 очко (6+5) билан гуруҳ тўпурарлигида биринчи натижани қайд этмоқда.