30 июл 18:08
Новости

Волейбол

U-19 жаҳон чемпионати. 1/8 финалдан ўрин олган Ўзбекистон - Италия ўйини кутилганидан тез якунланди

Айни дақиқаларда Тошкент ва Чирчиқ шаҳарларида волейбол бўйича U-19 ёш тоифасидаги Жаҳон чемпионатининг плей-офф босқич ўйинлари бўлиб ўтмоқда.

Мусобақа мезбони сифатида иштирок этаётган Ўзбекистон терма жамоаси 1/8 финалда Италияга қарши паркетга чиқди. Ҳозиргина "Юнусобод" спорт мажмуасида якунига етган ушбу учрашувда европаликлар кутилганидек осон ғалабани қўлга киритишди - 3:0 (25-18, 25-14, 25-14).

Шу тариқа, Италия терма жамоаси 1/4 финалга йўл олди. Вакилларимиз эса энди қолган мағлуб жамоалар билан бирга қуйи ўринлар учун баҳс олиб боришади.