U-20 ЖЧ. 1/8 финал олдидан Сан-Хуанда зилзила қайд этилди. Ер силкиниши Ўзбекистон жойлашган шаҳарда ҳам сезилган

Кеча Аргентинанинг Сан-Хуан провинциясида маҳаллий вақт билан соат 12:02 да рихтер шкаласи бўйича 4,8 магнитудали ер силкиниш ҳолати қайд этилган. 

Ушбу шаҳарда U-20 жаҳон чемпионати 1/8 финали доирасида Колумбия — Словакия ҳамда Аргентина — Нигерия учрашувлари ўтказилади. Зилзила, шунингдек, Сан-Луис, Ла-Риоха ва Мендосада ҳам сезилган. 

Эслатиб ўтамиз, Ўзбекистон ёшлар терма жамоаси нимчорак финал баҳсини Мендоса шаҳрида ўтказади. Исроилга қарши беллашув Тошкент вақти билан 31 майга ўтар кечаси соат 02:00 да бошланади.