26 фев 11:23
Новости

Бокс/ММА

Уч жангчи қисқа муддатда Жастин Гэтжига қарши октагонга чиқишга тайёр

Дэн Ҳукер жароҳат сабаб 9 март тонггида Жастин Гэтжига қарши ўтказиладиган жангда иштирок эта олмаслиги маълум бўлган эди.

Янги Зеландиялик аралаш яккакураш устасининг ўрнини қисқа муддатда эгаллашга тайёр уч жангчи ўз хизматини таклиф қилди. Улар бу ҳақда ўзларининг ижтимоий тармоқдаги саҳифаларида хабар қолдиришди.

Рафаэль Физиев: "Кел, яна такрорлаймиз, Жастин!"

Матеуш Гамрот: "Ҳукер сафдан чиқди, мен жангга тайёрман. Икки ҳафта мен учун муаммо эмас!"

Ренато Мойкано: "Икки ҳафта – бу яхши! Бу икки-учта яхши спарринг машғулотларини ўтказиш учун етарли муддат. Агар қўнғироқ қилишса, мен тайёр бўламан"

Аввалроқ, Дэн Ҳукер спарринг машғулоти чоғида қўлини синдириб олгани ва шу сабабдан 9 март тонггида жанг ўтказа олмаслигини тасдиқлаган эди. Жастин Гэтжи - Дэн Ҳукер жанги Лас-Вегасда ўтадиган UFC 313 турнирининг co main-event жанги эди.