04 июн 14:40
Новости

Спортивная борьба

Уч нафар эркин курашчимиз рейтинг турнири бронза медали учун гиламга чиқади

Қозоғистоннинг Олма-Ота шаҳрида эркин, юнон-рум ва аёллар кураши бўйича рейтинг турнири бўлиб ўтмоқда.

Бугун мусобақанинг учинчи куни эркин ва аёллар кураши беллашувлари ўтказиляпти. Саралаш баҳсларидан сўнг кечки дастурда медаллар учун гиламга чиқадиган жуфтликлар маълум бўлди.

Афсуски, 97 кг вазн тоифасида ярим финалга етиб келган ҳар икки эркин курашчимиз рақибларига ютқазиб қўйишди. Рио Олимпиадаси совриндори Магомед Ибрагимов словакиялик Батирбек Цакуловга 1-10, Муҳаммадрасул Раҳимов эса эронлик Амирхоссейн Фирузпурбандпейга 4-15 ҳисобида имкониятни бой берди.

Шу тариқа, уч нафар курашчимиз кечки дастурда бронза медали учун гиламга чиқадиган бўлишди.

Бронза учун баҳс

97 кг: Магомед Ибрагимов - Файзи Файззода (Тожикистон)

97 кг: Муҳаммадрасул Раҳимов - Акежан Айтбеков (Қозоғистон)

125 кг: Сардорбек Холматов - Моҳит Моҳит (Ҳиндистон)