17 июн 16:16
Новости

Уч нафар ўзбекистонлик футболчи Англия клубида кўрикдан ўтиш учун жўнаб кетди

Теги : Футбол

"Пахтакор" ёш ҳужумчиси Саидумархон Саиднуруллев Англиянинг КПР клубида кўрикдан ўтиши ҳақида олдинроқ эълон қилгандик.

Тунда Саиднуруллаев "Сурхон"нинг икки футболчиси Беҳруз Каримов ва Беҳруз Шукуруллаев билан бирга Тошкент-Истанбул-Лондон йўйналишида жўнаб кетишди. Учала футболчи ҳам икки ҳафта давомида КПР йиғинида иштирок этишлари кўзда тутилган.

"Куинз Парк Рейнжерс" клуби 1882 йилда Лондон шаҳрида ташкил топган. Уй ўйинларини 18439 томошабинга мўлжалланган "Лофтус Роуд" стадионида ўтказади. Айни пайтда жамоани испаниялик мураббий Марти Сифуэнтес бошқармоқда. Айни пайтда КПР Англия Чемпионшип лигасида (АПЛдан битта паст дивизион) иштирок этмоқда.

Маълумот учун, Шукуруллаев 2006 йилда туғилган, чап қанот футболчиси. "Одил Аҳмедов" академияси тарбияланувчиси. Бу йилдан "Сурхон" сафида барча мусобақаларда 4 та учрашувда майдонга тушди.

Каримов 2007 йилда туғилган, ўнг қанот ҳимоячиси. "Одил Аҳмедов" академияси тарбияланувчиси. Бу йилдан "Сурхон" сафида барча мусобақаларда 6 та учрашувда майдонга тушди.

Саиднуруллаев 2005 йилда туғилган "Пахтакор" клуби тарбияланувчиси. Бу мавсум Ўзбекистон кубогида 1 та ўйинда майдонга тушиб, 2 та гол урди ва 1 та голли узатмани амалга оширди.