20 ноя 13:29
Новости

Велоспорт

UCI собиқ вице-президенти Осама Ал Шафар Ўзбекистонда вафот этгани айтилмоқда

2021-2025 йилларда UCI вице-президенти ва 2017-2025 йилларда Осиё велосипед конфедерацияси раҳбари лавозимида ишлаган Осама Ал Шафар вафот этди.

Бирлашган Араб Амирликларининг спорт ва бизнес соҳасидаги таниқли шахси Осама Ал Шафар велосипед спорти ва ундан ташқарида ҳам бир қатор лавозимларда ишлаган.

У дастлаб БАА Бодибилдинг ва фитнес федерацияси президенти сифатида, кейинчалик қитъа бошқарув органи президенти бўлган.

Шунингдек, Осама жорий йилгача БАА велосипед федерацияси раҳбари сифатида World Tour даражасидаги UAE Tour пойгаларини ишлаб чиқишда муҳим рол ўйнаган.

Хабарларга кўра, Ал Шафар Ўзбекистонда эканлигида бахтсиз ҳодиса натижасида вафот этган. У 50 ёшда эди.