01 ноя 11:57
Новости

Бокс/ММА

UFC 10 нафар жангчини ташкилотдан ҳайдади

UFC промоушени ташкилотнинг бирйўла 10 нафар жангчисига чиқиш эшикларини кўрсатди.

Улар орасида россиялик енгил вазн тоифаси вакили Магомед Мустафаев ҳам бор. У деярли уч йилдан бери октагонга чиқмай келаётганди. Қора рўйхатга тушганлар орасида яримоғир вазн тоифаси жангчиси Миша Циркунов ҳам бор. Латвиялик бу аралаш яккакураш устаси шу йил февраль ойида Маҳмуд Мурадов билан жанг қилиши лозим эди. Аммо ҳамюртимизнинг қўлидан олган жароҳати сабаб Циркуновга бразилиялик Веллингтон Турман рақиб сифатида берилганди. Турман иккинчи раундда тирсак берган зарбаси эвазига Мишани нокаутга учратганди.

Мустафаев ва Циркуновдан ташқари, UFC Кшиштоф Йотко, Луис Коске, Ник Максимов, Чарли Онтиверос, Жесси Ронсон, Кэмерон Ванкэмп, Дэриан Викс ва Жейсон Уитт билан ҳам шартномаларни бекор қилди.