31 июл 08:07
Новости

Бокс/ММА

UFC 277. Асосий карднинг яна бир жанг муддатидан аввал якунланди + ФОТО

АҚШнинг Даллас шаҳридаги "Американ Эйрлайнс-центр" стадионида UFC 277 турнири давом этмоқда.

Бироз аввал асосий карднинг яна бир жанги муддатидан аввал тўхтатилди. Енгил вазн тоифасида кечган жангда бразилиялик 32 ёшли Алекс Пантожа америкалик 30 ёшли Алекс Пересга қарши октагонга кўтарилди. Биринчи раунднинг иккинчи дақиқаси ўтиб бораётган бир пайтда Пантожа рақибини бўғиб қўйди.

Шу тариқа, Пантожа UFC промоушенидаги кетма-кет учинчи ғалабасини тантана қилди. Ҳисобида 27 ғалаба ва 6 мағлубият бор. Алекс Перес UFC`даги учинчи мағлубиятини қабул қилди. Бразилиялик рейтингда тўртинчи, америкалик жангчи эса олтинчи ўринни эгаллаб турибди.