28 янв 14:15
Новости

Бокс/ММА

UFC 287 ҳам ёнади! Гилберт Бернс - Хорхе Масвидаль жанги тасдиқланди

Гилберт Бернс ва Хорхе Масвидаль ўртасидаги жанг қачон ва қаерда ўтказилиши хабар қилинди.

Яримўрта вазн тоифасида бразилиялик UFC жангчиси Гилберт Бернс (21-5) навбатдаги жангини америкалик Хорхе Масвидалга (35-16) қарши ўтказиши маълум бўлди.

UFC News нашрининг тасдиқлашича, жанг 8 апрель куни, UFC 287 турнири доирасида ўтказилади ва оқшомнинг Сo main event тўқнашуви бўлади. Турнир Майами (АҚШ)да ташкил этилади.

Ҳозиргача UFC 287 мусобақасида Алекс Перейра - Исраэль Адесанья, Роб Фонт - Адриан Янез каби жанглар ўтказилиши ҳақида хабар берилди.

Гилберт Бернс сўнгги жангини 22 январь куни ўз юртида ўтказилган UFC 283 доирасида Нил Мэгнига (27-10) қарши ўтказиб, муддатидан аввал ғалаба қозонган эди.

Хорхе Масвидаль эса охирги бор 2022 йилнинг 5 март куни ўтказилган UFC 272 турнири доирасида собиқ дўсти Колби Ковингтонга (17-3) қарши октагонга чиқиб, ҳакамлар қарори билан мағлуб бўлган эди.