UFC 311: Богдан Гусков иштирокидаги жанг муддатидан олдин тугади

Унга UFC дебютанти Билли Элекана рақиб бўлди.

3 раундлик баҳс иккинчи раунд давом этаётган бир паллада муддатидан олдин якунига етди. Богданнинг бўғиш усули туфайли Элекана жангни давом эттира олмади.

Қизиғи, Богдан илк раунднинг охирида ҳам рақибини бўғиш усулига туширди ва Элекана бу вазиятда мағлубиятни тан олди, бироқ ҳакам буни илғамай қолди.

Аслида, ярим оғир вазн тоифаси рейтингида 13-ўринни эгаллаб турган ҳамюртимизга UFC 311 доирасида собиқ жамоадоши Жонни Уокер рақиблик қилиши керак эди, бироқ у жароҳат туфайли жангдан чиқди.

Ангренда (Тошкент вилояти) туғилган 32 ёшли ҳамюртимиз бугунги турнир орқали профессионал фаолиятидаги 20-жангида ўзининг 17-ғалабасини нишонлади.

29 ёшли Билли Элекана учун эса дебют омадсиз кечди. Энди унинг ҳисобида 7 та ғалабасидан ташқари 2 та мағлубият бор.