30 мая 14:00
Новости

Бокс/ММА

UFC 317 турнирининг расмий постери намойиш этилди + ФОТО

Бизнинг вақт билан 29 июнь тонггида АҚШнинг Невада штати Лас-Вегас Парадайс шаҳарчасида рақамланган UFC 317 турнири ўтказилади.

Оқшомнинг асосий жанги енгил вазн тоифаси UFC чемпионлик камари учун кечади. Ушбу камар Ислам Махачев томонидан вакант, яъни эгасиз қолдирилганди. Камар учун ярименгил вазнда собиқ UFC чемпиони Илия Топурия енгил вазн тоифасида собиқ UFC камари эгаси бразилиялик Чарльз Оливейрага қарши октагонга чиқади.

Турнир ташкилотчилари ушбу рақамланган UFC 317 мусобақасининг расмий постерини намойиш этишди. Кечанинг co main-event жанги энг енгил вазнда UFC чемпиони, бразилиялик Александр Пантожа ҳамда Янги зеландиялик даъвогар Кай Кара-Франс ўртасида кечади.