05 дек 14:03
Новости

Бокс/ММА

UFC 324 турнири кардига яна бир жанг қўшилди

2026 йилнинг илк рақамли турнири ҳисобланган UFC 324 карди уч ва тўртталик ғалабали серия билан келаётган аралаш яккакураш усталари жанги ҳисобига бойиди.

24 январь куни АҚШнинг Невада штати Лас-Вегас шаҳрида ўтказиладиган ушбу турнир доирасида енгил вазн тоифаси жангчилари Майкл Жонсон ва Александр Эрнандес ўзаро октагонда тўқнаш келади.

Маълумот учун, 39 ёшли Майкл Жонсон шу йилнинг июль ойида кетма-кет учинчи ғалабасини қўлга киритганди. У ҳакамларнинг якдил қарори билан Даниэль Зеллхуберни таслим этган эди. 33 яшар Александр Эрнандес эса тўртта ғалабали серия билан келмоқда. Эрнандес сентябрь ойида Диего Феррейрани иккинчи раундда техник нокаутга учратганди.

Ҳозирда Жонсон ҳам, Эрнандес ҳам UFC енгил вазн тоифаси жангчилари рейтингининг Топ-15`талигига ҳам кирмаган.