30 июл 08:44
Новости

Бокс/ММА

UFC Богдан Гусков учун тўрт эҳтимолий рақиб тақдим этди

Ўзбекистонлик UFC жангчиси Богдан Гусков учун эҳтимолий рақиблар номи айтилди.

Ёдингизда бўлса, ярим оғир вазнли спортчи Богдан 26 июль куни Абу-Даби шаҳрида ташкил этилган UFC on ABC 9 турнири доирасида Россия/Украина вакили Никита Крилов билан жанг қилиб, биринчи раундда нокаут орқали зафар қучганди.

UFC матбуот хизмати Гусков учун кейинги рақиблар сифатида Волкан Оздемир, Жамал Хилл, Ян Блахович ҳамда Халил Раунтри номзодларини келтирди. Богдан ёдингизда бўлса, UFC`даги дебют жангида Швейцария шарафини ҳимоя қиладиган асли турк Волкан Оздемирга имкониятни бой бериб қўйганди. Ўшанда ҳамюртимиз қисқа муддатда жангни қабул қилган эди.

Богданнинг ўзи ғалабасидан сўнг кейинги жангида исталган рақибга қарши октагонга чиқишга тайёр эканини айтганди.