10 янв 16:15
Новости

Бокс/ММА

UFC Богдан Гусковнинг жангини расман эълон қилди + ПОСТЕР

Ярим оғир вазн тоифасида ўзбекистонлик UFC жангчиси Богдан Гусковнинг навбатдаги жанги расман тасдиқланди.

Гусков UFC'даги иккинчи жангини 11 февраль куни Лас-Вегасдаги (АҚШ) UFC Fight Night турнири доирасида ўтказади. Унга америкалик Зак Пауга рақиблик қилади.

UFC матбуот хизмати жангни расман эълон қилди.

31 ёшли Богдан Гусков фаолияти давомида 17 та жанг ўтказиб, уларнинг 14 тасида ғалаба қозонган, 3 та жангда имкониятни бой берган. У UFC'да битта жанг ўтказган. Волкан Оздемирга қарши кечган дебют жангида Богдан илк раундда мағлубиятга учраган эди.

35 ёшли Зак Пауга эса карьерасида 8 та жанг ўтказган. Унинг ҳисобида 6 ғалаба ва 2 мағлубият мавжуд. UFC'да 3 та жанг ўтказиб, битта ғалаба ва иккита мағлубият қайд этган.