03 июл 13:02
Новости

Бокс/ММА

UFC чемпиони Исраэль Адесанья навбатдаги рақиби ким бўлишини айтди

Асли келиб чиқиши нигериялик бўлган 32 ёшли Исраэль Адесанья бугун Лас-Вегасда UFC чемпионлик камарини муваффақиятли ҳимоя қилди.

Янги Зеландия шарафини ҳимоя қилаётган Исраэль ўзининг кейинги рақиби сифатида бразилиялик 34 ёшли Алекс Перейрани кўраётганини айтди.

"Кейингиси - Перейра! Буни яхши биламиз. Бугун у қария Стриклендни осонгина нокаут қилди. Аввал ҳам айтганимдек, мен унга конькини кийдириб қўяман, бунинг натижасида у Эльза сингари музлаб қолади", — деди Адесанья америкалик Жаред Канноньега қарши кечган UFC 276 турнири доирасидаги жангдан кейин.

Таъкидлаш жоиз, Перейра икки бор кикбоксинг жангида Адесаньяни мағлубиятга учратган. Битта жанг ҳакамлари қарори, иккинчиси нокаут билан якунланган эди.