15 сен 19:27
Новости

Бокс/ММА

UFC Fight Night 213 турнирининг марказий жанги тасдиқланди + ФОТО

UFC расмийлари 29 октябрь куни АҚШнинг Невада штати Лас-Вегас шаҳрида ўтказиладиган турнирнинг марказий жангини эълон қилишди.

Ярим енгил вазн тоифаси вакиллари - америкалик Келвин Каттар ҳамда британиялик Арнольд Аллен ўртасидаги тўқнашув UFC Fight Night 213 турнирининг марказий жанги бўлади.

Маълумот учун, 34 ёшли Каттар сўнгги жангида Жош Эмметтга имкониятни бой берган бўлса, 28 яшар Аллен аксинча UFC промоушенида 9 та ғалабадан иборат серия билан боряпти. Охирги жангида Дэн Хукерни биринчи раунднинг ўзида техник нокаут эвазига мағлуб этган эди.

Таққослаш учун, айни пайтда Келвин Каттар UFC рейтингида бешинчи, Арнольд Аллен олтинчи ўринни эгаллаб турибди.