30 апр 08:47
Новости

Бокс/ММА

UFC Fight Night 223. Марказий жанг муддатидан аввал якунланди

АҚШнинг Невада штати Лас-Вегас шаҳрида навбатдаги UFC турнири бўлиб ўтди.

UFC Fight Night 223 оқшомининг марказий жанги енгил вазн тоифасида хитойлик Ядонг Сонг (20-7-1) ҳамда америкалик Рики Симон (20-4-0) ўртасида ўтказилди. Тўртинчи раунднинг сўнгги сониясида Сонг рақибини чап қўлда йўллаган кучли зарбасидан сўнг нокдаун ҳолатига туширди. Бешинчи раундда Ядонг чап қўл хук зарбаси билан Рикини мувозанатдан чиқарди. Рефери Херб Дин бешинчи раунднинг 70-сониясида жангни тўхтатишга мажбур бўлди.

Жанг якунланганидан сўнг Ядонг Сонг интервью бериб, кейинги рақиби сифатида Шон О'Мэлли ёки Марлон Верани кўриш истагида эканини маълум қилди. Уч йил олдин Сонг Верани ҳакамлар қарорига кўра мағлубиятга учратган эди.