23 июл 09:09
Новости

Бокс/ММА

UFC Fight Night 224 турнири бонус соҳиблари маълум

Маҳмуд Мурадов октагонга кўтарилган Лондондаги UFC Fight Night турнири якунларига кўра кафолатланган гонорардан ташқари қўшимча бонуслар кимларга насиб этгани маълум бўлди.

Англиялик Дэнни Робертс ҳамда америкалик Жонни Парсонс ўртасидаги баҳс оқшомнинг энг яхши жанги деб топилди. Ҳар икки жангчи 50 минг долларлик чекка эга чиқишди. Яримўрта вазн тоифасида ўтказилган ушбу жангда Парсонс рақибини иккинчи раундда нокаутга учратди.

Мезбонларнинг яна бир вакили Том Аспиналл ҳамда шотландиялик Пол Крэйг эса ёрқин жанг учун мукофот пулини қўлга киритди. Кечанинг марказий жангида оғир вазн тоифаси вакили бўлган Аспиналл 1 дақиқаю 13 сонияда польшалик Марчин Тибурани техник нокаутга учратди. Ўрта вазн вакили Крэйг эса иккинчи раундда бразилиялик Андре Мунисдан устун келди.