03 ноя 09:28
Новости

Бокс/ММА

UFC Fight Night 246. Марказий жанг ғолибини ҳакамлар аниқлаб беришди + ФОТО

Бироз аввал Канаданинг Эдмонтон шаҳрида навбатдаги UFC турнири якунига етди.

UFC Fight Night 246 турнирининг марказий жанги ўта енгил (57 кг) вазн тоифасида собиқ чемпион мексикалик Брэндон Морено ҳамда эронлик Амир Альбази ўртасида бўлиб ўтди. Беш раунд тўлиқ давом этган жангда Морено ҳакамларнинг якдил қарори билан ғалаба қозонди.

Шу тариқа, Морено кетма-кет икки мағлубиятдан кейин зафар қучди. Бу унинг ММАдаги фаолиятида қўлга киритган 22-ғалабаси бўлди. Ҳисобида 9 мағлубият ва 2 дуранг ҳам бор. Альбазининг эса аксинча, 6 тадан ғалабадан иборат серияси барҳам топди. Бу Амир учун фаолиятидаги иккинчи, UFC промоушенидаги биринчи мағлубият бўлди. Ҳисобидаги ғалабалари сони 17 талигича қолди.