12 окт 07:17
Новости

Бокс/ММА

UFC Fight Night 261 турнирининг асосий жанги бир ярим раунд давом этди + ФОТО

Бироз аввал Бразилиянинг Рио-де-Жанейро шаҳрида навбатдаги UFC турнири якунига етди.

UFC Fight Night 261 оқшомининг асосий жанги енгил вазнда собиқ UFC чемпиони бразилиялик Чарльз Оливейра ҳамда Польша вакили Матеуш Гамрот ўртасида ўтказилди. Жанг иккинчи раундда тўхтатилди. Оливейра рақибини бўғиш усули эвазига мағлубиятга учратди.

Шу тариқа, 35 ёшли Оливейра профессионал ММАдаги 36-ғалабасини қўлга киритди. Ҳисобидаги мағлубиятлари сони 11 талигича қолди. Жангга бир неча кун қолганда розилик берган 34 ёшли Гамрот бугуни 4-мағлубиятини қабул қилиб олди. Ғалабалари сони 25 тани ташкил қилмоқда.

Эслатиб ўтамиз, аслида Оливейра бугун Рафаэль Физиевга қарши октагонга чиқиши керак эди. Лекин озарбайжонлик аралаш яккакураш устаси машғулот чоғида оёғидан олган жароҳати сабаб сафдан чиққан эди.