26 апр 11:14
Новости

Бокс/ММА

UFC Физиевнинг Боку турнирида жанг қилишини тасдиқлади + ПОСТЕР

UFC'нинг енгил вазн тоифасидаги рейтингида 11-ўринда турган озарбайжонлик Рафаэль Физиев келаси жангини ўз юртида ўтказади.

Ушбу жангда Физиевга 15-ўриндаги чилилик Игнасио Бохамондес рақиб бўлади. Жанг 21 июнь куни Боку (Озарбайжон) шаҳрида бўлиб ўтади. Буни UFC матбуот хизмати расман тасдиқлади.

Эслатиб ўтамиз, Физиев сўнгги жангини 9 март куни Лас-Вегасдаги UFC 313 турнирида Жастин Гэтжига қарши ўтказиб, уч раундлик жангда ҳакамларнинг якдил қарори билан мағлуб бўлган эди.

Игнасио Бохамондес эса учта кетма-кет ғалабага эришган. У умумий 22 та жанг ўтказган, шундан 17 тасида ғалаба қозонган ва 5 марта мағлуб бўлган.