13 окт 16:08
Новости
Бокс/ММА
UFC: ҳамюртимизнинг дивизионида муҳим рейтинг жанги эълон қилинди
14 декабрь куни Лас-Вегас шаҳридаги (АҚШ, Невада) UFC Apex мажмуасида аралаш якка кураш бўйича UFC Fight Night мусобақаси ташкил этилади.
Лига матбуот хизмати турнирнинг марказий баҳсини эълон қилди. Маълум бўлишича, ўта енгил вазн тоифасида UFC рейтингида учинчи ўринни эгаллаб турган америкалик Брэндон Ройвал ушбу турнирда еттинчи поғонадаги Португалия вакили Манель Капе билан тўқнаш келади.
33 ёшли Ройвал фаолияти давомида 25 та жанг ўтказиб, 17 та ғалаба ва 8 та мағлубият қайд этган. 31 яшар Капе ҳисобида эса 21 та ғалаба ва 7 та мағлубият бор.
Маълумот учун, бу вазн тоифасида фаолият олиб бораётган ўзбекистонлик UFC жангчиси Рамазон Темиров дисквалификацияга учраганидан кейин ташкилот рейтингини тарк этди.
Ссылка :
Источник : Vestnik MMA
Комментарии