06 июн 10:02
Новости

Бокс/ММА

UFC Муҳаммад Наимовнинг навбатдаги жангини расман тасдиқлади + ПОСТЕР

Хабарингиз бор, 22 июнь куни Саудия Арабистонининг Ар-Риёд шаҳрида UFC илк бор ўз турнирини ўтказади.

Ташкилотчилар томонидан ушбу оқшомнинг навбатдаги жанги тасдиқланди. Унга кўра, ярим енгил вазн тоифасида тожикистонлик аралаш яккакураш устаси Муҳаммад Наимов (12-2-0) Арманистон вакили Мелсик Багдасарян (8-2-0)га қарши октагонга чиқади.

Марказий жанг эса БАА вакили Хамзат Чимаев ҳамда австралиялик Роберт Уиттакер ўртасида кечади.

Эслатиб ўтамиз, Муҳаммад Наимов UFC'даги сўнгги жангини 24 февраль куни Эрик Силвага қарши ўтказиб, илк раундда нокаут орқали зафар қучган эди.