UFC on ABC 9 турнирининг бонуслари кимларга насиб этди?

Америкалик ярименгил вазн тоифаси вакили Стивен Нгуен ташкилотнинг иккита рекордини янгилаши ортидан 50 000 долларлик мукофот пулига эга чиқди. У биринчи раунднинг ўзида мезбонлар вакили Муҳаммад Яхёни беш маротаба нокдаун ҳолатига тушириб қўйди. Иккинчи раундда ҳам бу ҳолатни яна бир бор такрорлади. Рақибининг чап кўзида даҳшатли гематома хосил бўлгач, шифокорлар жангни тўхтатишга буйруқ беришди. 

Ҳам битта жанг, ҳам битта раунддаги нокдаунлар сони бўйича Нгуен UFC рекордини янгилади. Бундан аввалги 5 та нокдаундан иборат рекорд Жереми Стивенсга тегишли эди. У 8 йил олдин Гилберт Мелендесга қарши кечган уч раундлик жангда ушбу рекордни ўрнатган эди.

Ёрқин жанг учун бериладиган иккинчи бонус россиялик яримўрта вазн тоифаси вакили Муслим Салиховга насиб этди. 41 ёшли Салихов 42 сонияда бразилиялик Карлос Леални нокаутга учратди. Ўрта вазн тоифаси вакиллари Шарабутдин Магомедов ва Марк-Андре Баррио ўртасидаги тўқнашув эса турнирнинг энг яхши жанги деб топилди. Ҳар икки жангчи 50 минг долларлик бонусни қўлга киритишди.